गाउँ छोडी सहरतिरै धाउन थाले, के भइदियो ?
परदेशको बाटो तिर पाउन थाले, के भइदियो ?
*********************************
हातमा सीप, मनमा जोश, काम छैन, के गर्नु ?
बेरोजगारीले युवा थच्काउन थाले, के भइदियो ?
*********************************
नेताका भाषण मिठा, तर कर्म सधैँ तीतो,
राजनीतिले जनता झुक्याउन थाले, के भइदियो ?
*********************************
वकिलले अदालतमा बहस गर्दा आफैँ पीडित हुन्छ,
न्यायालयमा उनलाई पिटाउन थाले, के भइदियो ?
*********************************
बैंकरले किस्ता उठाउन ऋणीको घरमा पुग्दा,
कालोमोसो दलेर पिटाउन थाले, के भइदियो ?
*********************************
भ्रष्टाचारको चाल चुल्दै इमान हरायो,
ठुलाले सानालाई चिप्लाउन थाले, के भइदियो ?
*********************************
देशको पीडा हेर्दा मन भक्कानिन्छ, साथी,
भविष्य भनि आफ्नै देश बिर्साउन थाले, के भइदियो ?
**********************************
