नयां जमाना भन्दैमा अरुलाई पिर्न मिल्छ र?
ममताको हिसाब पनि पैसामा तिर्न मिल्छ र?
ठुलो बन्ने होडबाजी छ मानिसहरुमा यहां,
मानिसको जुनि लिएपछि पशु झैं गिर्न मिल्छ र?
*******************************
अबिश्वास बढेछ देशमा यसलाई चिर्न मिल्छ र?
आशाका किरणहरु बांड्न प्रकाश झैं छिर्न मिल्छ र?
धन बटुल्ने दौडमा बनाईसके खोक्रो मन यहां,
मानिसको जुनि लिएपछि पशु झैं गिर्न मिल्छ र?
******************************
शक्तिको आडमा मानिसले मनपरी गर्न मिल्छ र?
लोभ लालच देखाई मानिसमा भ्रम छर्न मिल्छ र?
आफू अगाडी बढ्न तयार छन् अरुलाई लात हान्न यहां,
मानिसको जुनि लिएपछि पशु झैं गिर्न मिल्छ र?
