कसैको आंशु पुछ्न पाउने मान्छे त्यो भाग्यमानी,
शत्रुलाई पनि मित्र बनाउने मान्छे त्यो भाग्यमानी ।।
बिषम परिस्थितिबाट निराशा बनिरहेछन् मान्छेहरु,
मरभूमिमा पनि फल फलाउने मान्छे त्यो भाग्यमानी ।।
आक्रोश अनि नकरात्मक बिकिरहेको यो देशमा,
मानिसहरुमा जांगर चलाउने मान्छे त्यो भाग्यमानी ।।
धर्म कमाउन संसार धाउन तम्तयार धेरै मानिसहरु,
जन्मदाताहरुकहां धेरै धाउने मान्छे त्यो भाग्यमानी ।।
डा. बुद्धि मल्ल
